Bashkimi Demokratik për Integrim ka uruar të gjithë qytetarët e Maqedonisë për anëtarësimin e plotë të tyre në NATO pas përfundimit të të gjitha procedurave të procesit të anëtarësimit.

“Arritjet e mëdha brenda kësaj jave kurorëzuan dy dekadat e veprimtarisë tonë kombëtare dhe politike, tashmë jemi anëtar fuqiplotë dhe i
barabartë i NATO-së dhe kemi nisur negociatat për anëtarësim në Bashkimin Evropian”, thuhet në njoftimin e këtij subjekti politik.

Aty tutje theksohet se Bashkimit Demokratik për Integrim është garantues i marrëveshjes së Ohrit, marrëveshjes së Prespës dhe të fqinjësisë së mirë dhe se nuk do të lejojnë kthim prapa.

“BDI i shpreh mirënjohje Shteteve të Bashkuara të Amerikës dhe 28 vendeve aleate për përkrahjen e anëtarësimit tonë në NATO dhe vlerëson që ky është sukses i përbashkët i të gjithë neve. E ardhmja e sigurt është përcaktim i qytetarëve dhe obligim i joni”, përfundon komunikata.