Ministri i Punëve të Brendshme në Maqedoninë e Veriut, Oliver Spasovski ka deklaruar se vrasja e dy personave (babë e bir) dhe plagosja e dy të tjerëve në Tetovë ditën e sotme, ndodhi pas një mosmarrëveshje për çështje pronash në familje.

Spasovski tha se policia po punon për zbardhjen e rastit.

“Për momentin punojnë kolegët në zbardhjen e këtij rasti. Bëhet fjalë për mosmarrëveshje për çështje pronësore në familje. Këto janë informatat e para që na dërguan kolegët nga terreni. Presim që së shpejti do të zbardhjet i tërë rasti dhe do kemi informacione të detajuara”, deklaroi Spasovski, shkruan alsatm transmeton Arbresh.info

Hetimet në terren vazhdojnë ende, ndërsa informacionet e plota për vrasjen e dyfishtë që tronditi Çellopekun e Bërvenicës do të dihen gjatë ditës së nesërme.