Babë e bir akuzohen për shitje të substancave narkotike

15:46 | 2 Shtator 2019
Arbresh Info

Prokuroria Themelore Publike në Tetovë mori urdhër për zbatimin e procedurës hetimore kundër dy personave që janë babë e birë. Ata dyshohen se kanë kryer veprën penale prodhim të paligjshëm dhe shitje të drogës.

“53 vjeçari banor i Tetovës dhe djali i tij 27 vjeçar si bashkëkryes kanë mbajtur me vete 9450.00 gramë marihuanë. Më 30 gusht, pas një pompe benzine në Tetovë, të dyshuarit kanë parkuar automjetin e tyre të llojit ‘BMW’ me qëllim që të shesin drogën. Zyrtarët policorë të SPB Tetovë, e kanë vërejtur automjetin dhe drogën në të, dhe menjëherë kanë vepruar”, thuhet në njoftimin e Prokurorisë, njofton Telegrafi Maqedoni.

Prokurori Publik ka propozuar tek gjykatësi në procedurë paraprake paraburgim ndërsa gjykatësi që të dyve u ka caktuar paraburgim 30 ditor./Telegrafi/