Është anuluar seanca për rastin e Almirit, pasi avokati Asmir Alispahiq duhej të ishte prezent në gjykimin për rastin e Kumanovës, raporton Shenja

Në seancën e fundit gjykata Themelore e Kumanovës nuk e pranoi propozimin e palës së dëmtuar, që në rigjykim të mos pranohen ekspertizat neuropsikiatrike dhe ajo teknike pasi që ekspertët nuk kanë pasur licencë valide gjatë kohës kur e kanë kryer ekspertizën.

Rasti i Almirit është në rigjykim, pasi Gjykata e Apelit kishte konstatuar lëshime të procedurës gjyqësore. Më 5 prill të 2018-tës i akuzuari i parë për shkeljen e Almirit me veturë u dënua me 6 vite burg, babai i Almirit me 6 muaj burg dhe kushërinjtë e tij, nën akuzën “dhunë” u dënuan me nga 9 muaj burg. Seanca e ardhshme është caktuar të mbahet më 6 qershor.