Shfletimet e shpeshta në Facebook mund t’ju bëjnë të mjerë, thotë studimi

15:44 | 22 Dhjetor 2016
Trina Galanxhi

Shfletimet e shpeshta në Facebook gjatë festave të fund vitit, ka gjasa të ju bëjnë të ndiheni mjerueshëm, thotë një studim i fundit.

Një studim i kryer nga Universiteti i Kopenhagës sugjeron se përdorimi i tepruar i mediave sociale mund të ngjallë ndjenjat e zilisë, transmeton arbresh.info.

Ky studim paralajmëron veçanërisht për ndikimin negativ që fshihet në rrjetet sociale, pa patur lidhje me dikë.

Studimi sugjeron se gjatë kohës së festave duhet të bëni pushim nga përdorimi i mediave sociale.

Studiuesit paralajmërojnë për smirë dhe përkeqësim të humorit nga përdorimi i shpeshtë i mediave sociale. Kjo nënkupton kalimin e orëve të gjata mbi ekran duke shfletuar fotografitë e të tjerëve.

Megjithatë, studiuesit theksojnë se bisedat me njerëzit që përdorin mediat sociale kanë sjellë rezultate pozitive./Arbresh.info