Trailer-i i ri “Hostage” me Suranne Jones në rolin kryesor është emëruar tashmë “mini-seriali më i mirë që nga ‘Adolescence’”, dhe shumë besojnë se Netflix më në fund ka publikuar një tjetër hit të madh britanik. Meqenëse në serial luan një aktore e njohur për rolin e saj në “Dr. Foster”, pritjet e publikut ishin të larta dhe me sa duket, plotësisht të justifikuara.

Që pas premierës më 21 gusht, shikuesit që arritën të shihnin episodin e parë theksojnë se historia është jashtëzakonisht e tensionuar dhe e mban vëmendjen që nga fillimi. Këtë herë, Jones portretizon personazhin e Kryeministres Britanike Abigail Dalton, burri i së cilës u rrëmbye gjatë një vizite zyrtare në Guianën franceze, pikërisht kur presidenti francez ndodhej në Londër.

Përveç Jones, në serial luajnë edhe Julie Delpy, James Cosmo, Bashy dhe Corey Mylchreest. Seriali eksploron lojërat politike, kërcënimet dhe dilemat morale me të cilat përballen dy gra kryesore në momente krize. Ndërsa kërcënimet shtohen, të dyja përballen me zgjedhje pothuajse të pamundura që vënë në provë kufijtë e tyre – si personale ashtu edhe profesionale.

“Hostage” është plot me kthesa të papritura, të paparashikueshme dhe një atmosferë që e bën shikuesin të shikojë episod pas episodi pa pushim. Seriali ka pesë episode.

Në rrjetet sociale, shumë e vlerësuan serialin si “jashtëzakonisht të pabesueshëm”, ndërsa të tjerë thanë se u “mahnitën” prej tij që në minutat e para. Megjithatë, jo të gjithë janë të kënaqur. Disa kritikë e kritikuan serialin për elementët e tij politikë jorealistë dhe ngjarjen me ritëm të shpejtë, ndërsa disa shikues thanë se skenari ishte “shkruar dobët”.