“Onlythebreast.com” është një prej faqeve më të vizituara për shitjen dhe blerjen e qumështit të gjirit. Por ajo që të habit më shumë kur është fjala te blerësit, një pjesë e madhe e tyre janë meshkuj.

Të palestruar e të shëndetshëm, apo edhe të prekur nga sëmundje të rënda, meshkujt thonë se qumështi i gjirit është “ari i bardhë” për të cilin janë gati të paguajnë deri në 100 dollarë për litër.

Kjo ndodh sepse miti i ushqyerjes me gji është përforcuar kohët e fundit me një tjetër studim, sipas të cilit qumështi njerëzor është i dobishëm jo vetëm për të porsalindurit, por edhe për të rriturit, sidomos për kurimin e infeksioneve, problemeve të aparatit tretës dhe sëmundjeve që kanë lidhje me imunitetin.

Në mars, një studim i publikuar në revistën “Lancet” tregoi se personat e ushqyer me gji në fëmijëri kishin një koeficient më të lartë inteligjence se të tjerët.

Në SHBA, iniciativat kanë përfshirë shumë gra, si në rastin e kompanisë kaliforniane “Prolacta Bioscience”, e cila vetëm gjatë vitit të kaluar ka përpunuar rreth 100 tonë qumësht të tillë, duke ua shitur më pas klinikave për një çmim prej 14 dollarë për 28 mililitër.