Me 10 dollarë mund të fitoni vilat dhe pasuritë e El Chapos, Qeveria meksikane organizon lotari

23:14 | 6 Korrik 2021
Trina Galanxhi

Qeveria meksikane ka organizuar një lotari, ku do të fitohen pasuritë e sekuestruara nga emrat e mëdhenj në trafikun e drogës. Me dhjetë dollarë mund të fitoni banesat dhe sende të tjera luksoze të El Chapos.

“Bileta e artë” është pikërisht vila e tij luksoze në Culiacàn , ku Joaquin Guzmàn ishte fshehur para arratisjes së tij, në shkurt 2014.

Një tjetër vilë e kërkuar është ajo e Amado Carrillos Fuentes, bosit të kartelit Juarez i cili u bë i famshëm për sistemin e tij të tregtimit të drogës me avionë dhe anije gjigante.

Çmimet do të ndahen më 15 shtator, që shënon dhe Ditën e Pavarësisë së Meksikës. Në tërësi, fondi i çmimeve arrin vlerën e 250 milionë pesos, ose mbi 10 milionë euro.