Një pilot është vënë nën hetim për një marifet të rrezikshëm mbi aeroport, çka bëri që pasagjerët në bord të ulërinin pasi mendonin se po rrëzoheshin.

Fluturimi i fundit në distanca të gjata nga linja ajrore e falimentuar, Air Berlin, po manovronte për t’u ulur në Aeroportin e Dusseldorfit me 200 pasagjerë në bord.

Aeroplani Airbus A330 zhvilloi një mbikalim nderi, duke u kthyer në anën e tij dhe duke realizuar një fluturim shqetësuese pranë terminalit të aeroportit.

Në një video të filmuar nga toka, mund të dëgjohet një grua duke thënë: “Çfarë po bën ai?”

Fluturimi AB7001 nga Miami në Gjermani dukej sikur ishte gati për të dalë kur mori shpejtësinë dhe ngritjen, duke treguar krahët e vet për herë të fundi.

Aeroplani pastaj bën një kthesë të mprehtë majtas drejt ndërtesës së terminalit, me njerëzit në tarracën e jashtme që ulërinin nga frika.

Një punonjës i aeroportit i cili shikonte skenat dramatike mendoi se aeroplani do të rrëzohet menjëherë në terminal.

Ajo tha: “Ishte një ndjenjë e çuditshme kur A330 erdhi drejt nesh, pasi nuk e dinim më parë se do të bënte një xhiro nderi”.

Autoriteti federal i aviacionit (LBA) është caktuar të hetojë.

Sidoqoftë një tjetër video, e kryer nga kulla e kontrollit në Aeroportin e Dusseldorfit, tregon qartë se ishte një veprim i përkryer i orkestruar dhe se askush në aeroport nuk ishte në rrezik.