Zv/kryetari i Komunës së Bujanovcit kërkon nga Konjufca përkrahje për qytetarët e Luginës

16:29 | 9 Prill 2021

Kryetari i Kuvendit të Republikës së Kosovës, Glauk Konjufca, ka pranuar letër urimi nga zv/kryetari i Komunës së Bujanocit, Shqiprim J. Musliu, për zgjedhjen e tij kryetar të Kuvendit të Republikës së Kosovës.

Në letrën e tij drejtuar Konjufcës, Musliu kërkon edhe përkrahje për mirëqenien e qytetarëve të Luginës, për një jetë më të mirë në ato treva shqiptare.

“Statusi politik i shqiptarëve të Luginës, të drejtat e njeriut dhe përdorimi i simboleve kombëtare, diskriminimi etnik nga Beogradi zyrtar, pasivizimi i qytetarëve shqiptarë, pastaj problemet me jetën e përditshme në një vend si Lugina, janë temat kryesore me të cilat do të duhet të bashkërendohemi e të bashkëkoordinohemi për t`i dhënë zgjidhje këtyre problematikave nga i cili varet fati i shqiptarëve të trevës sonë. Sigurisht se është një sfidë e veçantë, por që ka peshë dhe përgjegjësi”, thuhet ndër të tjera në letër -urimin e Musliut drejtuar Konjufcës./arbresh.info/

Letra e plotë:

 

“I nderuar Shkëlqesia Juaj, z. Glauk Konjufca,

Me kënaqësi e mirëprita zgjedhjen tuaj si Kryetar të Kuvendit të Republikës së Kosovës, dhe për këtë pranoni urimet e mia më të përzemërta. Dhe në fillim të uroj shëndet e njëkohësisht shumë suksese në sfidat që i keni përpara për të ardhmen e Kosovës, atdheut tonë të përbashkët.

Vërtet është një përgjegjësi dhe një detyrë e jashtëzakonshme, në një kohë të pazakontë kur Ju po e merrni detyrën, dhe që Republika në vazhdimësi është duke u përballur me shtetndërtimin, sovranitetin dhe stabilitetin politik në nivel vendi por edhe në rrafshin ndërkombëtar. Dhe në këtë mënyrë do t`ju duhet shumë punë, strategji e qëllime të përbashkëta për të patur një Kosovë të fortë e demokratike.

Statusi politik i shqiptarëve të Luginës, të drejtat e njeriut dhe përdorimi i simboleve kombëtare, diskriminimi etnik nga Beogradi zyrtar, pasivizimi i qytetarëve shqiptarë, pastaj problemet me jetën e përditshme në një vend si Lugina, janë temat kryesore me të cilat do të duhet të bashkërendohemi e të bashkëkoordinohemi për t`i dhënë zgjidhje këtyre problematikave nga i cili varet fati i shqiptarëve të trevës sonë. Sigurisht se është një sfidë e veçantë, por që ka peshë dhe përgjegjësi,

Dhe jam mese i bindur se Ju e njihni mirë realitetin tonë dhe për këtë uroj që lidhjet tona të forcohen e në këtë formë të përdorni autoritetin Tuaj për mirëqenien e qytetarëve të Luginës, për një jetë më të mirë në këtë vend e në këtë tokë.

Lajmet më të lexuara