Google ADS

Zgjedhjet e 9 shkurtit, Krasniqi: Shtyrje e panevojshme për PDK-në

20:32 | 16 Gusht 2024
R J

Kryetari i PDK-së, Memli Krasniqi, ka reaguar pas vendimit të presidentes Vjosa Osmani për të caktuar 9 shkurtin si datën e zgjedhjeve, ndërsa partia e tij kishte propozuar 26 janarin.

Krasniqi e ka cilësuar këtë shtyrje si të panevojshme për PDK-në, por ka theksuar se e rëndësishme është që tani ekziston një datë për zgjedhjet.

“Për ne kjo shtyrje është e panevojshme, por tashmë kjo ka pak rëndësi. Mbi të gjitha, e rëndësishme është se tani kemi një datë, e cila do të shënojë ikjen e një qeverie të papërgjegjshme dhe ardhjen e një tjetre, kredibile e të aftë, në krye me Bedri Hamzën”.

“Siç na e dëshmon edhe historia, me PDK-në dhe Bedriun në timon, Kosova do të rikthehet në rrugën e munguar të zhvillimit, integrimit, partneritetit e miqësisë së mirëfilltë”, shkroi Krasniqi.

Tutje, ai theksoi se është koha që të gjithë të bashkohen për të realizuar ëndrrën e përbashkët për Kosovën.

Shpërndaje në rrjete sociale

Lajmet më të lexuara

Të ngjashme

Foto lajm