Zëvendësministrja e Punëve të Jashtme dhe Diasporës, Liza Gashi ka bërë të ditur se deri me tani kanë marrë pjesë mbi 180 mijë mërgimtarë në regjistrimin e popullsisë.

Në konferencën për media, Gashi ka theksuar se në platformën eDiaspora janë regjistruar mbi 50 mijë mërgimtar, shkruan Arbresh.info.

“Ka një interesim çdo ditë e më të shtuar të mërgatës për tu bërë pjesë e regjistrimit të popullsisë në Kosovë. Ne si ministri e Punëve të Jashtme dhe Diasporës në mbështetje nga ASK, kemi lehtësu këtë proces duke integru formularin në kuadër të regjistrimit të platformës eDiaspora. Platforma e-Diaspora synon me ofru shërbime digjitale për bashkatdhetarët. Është formë e njëjtë si e-Kosova për botën digjitale të diasporës. Në kuadër të kësaj platformës, moduli i parë që është plasu është regjistrimi i popullsisë”, ka thënë ajo.

“Pjesëmarrja në regjistrimin e popullsisë është e rëndësishme sepse për herë të parë na jep një pasqyrë të qartë se ku gjinden bashkatdhetarët tanë dhe cilat janë kërkesat e tyre”, u shpreh Gashi.

“Deri me tani kemi 180 mijë pjesëtarë të diasporës që janë regjistruar dhe kemi mbi 50 mijë që janë regjistruar direkt në platformën e-Diaspora”, tha Gashi./Arbresh.info

Lexo edhe:

Kastrati: Deri dje janë regjistruar mbi 530 mijë persona dhe mbi 36 për qind e objekteve në Kosovë

Kastrati: Ka persona që refuzojnë të regjistrohen, po vazhdon negocimi me ta