Zemaj: Me rritjen e nevojës, 40 specializantë të anesteziologjisë do të jenë në shërbime të pacientëve

12:43 | 16 Tetor 2020
A Z

Ministri i Shëndetësisë, Armend Zemaj, në Ditën Botërore të Anesteziologut ka thënë se do të punësojnë më shumë anesteziologë.

“Aktualisht ne pas shumë përpjekjeve me sukses kemi rritur kapacitetet teknologjike në klinikat tona spitalore duke shtuar numrin e respiratorëve.”

“Po ashtu e kemi shtuar edhe numrin e mjekëve. Në konkursin e fundit që e kemi shpallur për shkollim specialistik fillimisht ishte planifikuar të angazhoheshin 26 mjekë”.

“Mirëpo, me rritjen e nevojës është vendosur të angazhohen 40 specializantë të anesteziologjisë, që do të jenë në shërbime të pacientëve”.

“Jashtëzakonisht falënderues për punën shumë të ndjeshme të anesteziologëve, apo ndryshe siç quhen ringjallesit, të cilët janë përgjegjës për jetën dhe shëndetin e pacientit, që gjatë operacioneve administrojnë sasinë e saktë të anestezisë, monitorojnë shenjat jetësore të pacientit, e në këtë mënyrë mundësojnë operacione pa dhimbje”, ka shkruar Zemaj në rrjetin social Facebook.