Zëdhënësi i PDK-së: Haradinaj erdh pa paralajmërim në zyrat e PDK-së

13:48 | 9 Nëntor 2020
M. A.

Zëdhënësi për media i PDK-së, Avni Bytyqi ka thënë se nga vizita e kreut të AAK-së Ramush Haradinaj në PDK nuk është biseduar për tema të tjera politike por për të shprehur solidaritet për zhvillimet e fundit në Dhomat e Specializuara.

Byqyti e ka quajtur këtë vizitë si të pa paralajmëruar, shkruan arbresh.info.

“z. Haradinaj ka vizituar sot pa paralajmërim zyrat e PDK-së për të shprehur solidarizimin për zhvillimet e fundit me Dhomat e Specializuara. Ne e falendërojmë për një gjest të tillë, dhe njëherësh konfirmojmë se nuk është folur për asnjë temë politike aktuale në Kosovë. Konfirmimi i aktakuzës ndaj ish kryetarit Veseli dhe ish-Presidentit Thaçi paraqet një situatë të rëndë për Kosovën dhe PDK-në. Neve si shoqëri na duhet më së shumti sot solidarizimi dhe bashkëpunimi për ta tejkaluar këtë moment të vështirë për vendin”, ka shkruar Avni Bytyqi në FB./arbresh.info/