Ymeri: Lirimi i Haradinajt, lajm i mirë për të gjithë kombin shqiptar

11:32 | 27 Prill 2017
Arbresh.info

Lideri i VV-së, Visar Ymeri e ka quajtur një lajm të mirë për të gjithë kombin shqiptar lirimin e liderit të AAK-së, Ramush Haradinaj.

Ymeri ka thënë se fletëarrestet ndërkombëtare për ish-luftëtarët e UÇK-së duhet të marrin fund, shkruan arbresh.info.

Lexoni të plotë postimin e tij:

Lajmi për lirimin e Ramush Haradinajt është një lajm i mirë për Kosovën dhe kombin shqiptar. Ndalimi në Francë dhe mbajtja e tij për muaj të tërë ishte padrejtësi jo vetëm ndaj Ramushit, por ndaj gjithë luftës çlirimtare të UÇK-së.

Republika e Kosovës është shtet i pavarur nga Serbia. Fletë-arrestet e kësaj të fundit ndaj gjithë atyre që luftuan për çlirimin e Kosovës duhet të marrin fund. Qeveria duhet ta kërkojë urgjentisht një gjë të tillë./Arbresh.info.