Kryeministri i Maqedonisë së Veriut, Talat Xhaferi është takuar me ambasadorin e Kosovës atje, Florian Qehaja.

Xhaferi ka njoftuar se janë riafirmuar zotimet për  thellimin e bashkëpunimit të ndërsjellët.

“Në takimin me ambasadorin e Kosovës, Sh.T. Florian Qehaja, i riafirmuam zotimet tona për thellimin e bashkëpunimit të ndërsjellë, për ruajtjen dhe avancimin

e marrëdhënieve të shkëlqyera të fqinjësisë së mirë dhe të bashkëpunimit ekonomik”, ka shkruar ai në llogarinë e tij në Facebook.
Ndërsa ka përsëritur qëndrimin e tij afirmativ për aderimin e Kosovës në të gjitha organizatat dhe nismat multilaterale dhe rajonale.

“E përsërita qëndrimin tonë afirmativ për aderimin e Republikës së Kosovës në të gjitha organizatat dhe nismat multilaterale dhe rajonale”, ka shkruar Xhaferi./Arbresh.info/