Presidenti i Serbisë, Aleksandër Vuçiq ka thënë se taksa 100% është vendosur me mbështetjen e një shteti europian, që Serbia të mos kërkojë veriun e Kosovës dhe Anamoravën.

Sipas tij, Ramush Haradinaj ishte këshilluar nga një shtet i fuqishëm për këtë.

“Shqiptarët kanë pasur mbështetjen e një fuqie të madhe europiane, në mënyrë që Serbia të thotë braktisim dialogun dhe që Serbia të mos mund të kërkojë as veriun e Kosovës, as Anamoravën e Kosovës, e as ndonjë pjesë tjetër, që të rrënohet cilido plan sipas të cilit Serbia do të fitonte diçka. Nga takimet në Gjermani, kuptova që Ramush Haradinaj nuk e kishte vendosur taksën vetë dhe se dikush nga ndërkombëtarët ishte i përfshirë dhe po i qëndronte mbrapa. E kam kuptuar më vonë. Tashmë di gjithçka. Kush ua ka kërkuar, kush iu ka thënë. Sigurisht, një fuqi e rëndësishme nga jashtë” ka thënë Vuçiq.