Vuçiq: Krimet ndaj serbëve nuk janë ndëshkuar; Haradinaj, Oriq dhe Gotovina janë liruar

23:41 | 8 Qershor 2021
Gita

Aleksandër Vuçiq, ka thënë se Serbia do që qytetarët e vetë ta vuajnë dënimin në Serbi.

Ai para Këshillit të Sigurimit të OKB-së lidhur me punën e Mekanizmit të Krimeve të Luftës, ka theksuar se krimet ndaj serbëve nuk janë ndëshkuar, duke përmendur ish-Kryeministrin e Kosovës, Ramush Haradinaj.

“Krimet kundër serbëve nuk janë ndëshkuar. Haradinaj, Oriq dhe Gotovina nuk janë dënuar. Shumë krime në Kroaci, Bosnjë dhe Hercegovinë dhe Kosovë nuk janë hetuar”, është shprehur ai, raporton Kosovo-online.

Ai ka pohuar se Serbia është akuzuar se nuk i ka kryer obligimet e saj lidhur me Vjerica Radet dhe Petroo Jojiq.

“Ata janë akuzuar për shpërfillje të gjykatës dhe Serbia nuk mund t’i ekstradojë ata në Hagë nën këtë akuzë”, ka thënë Vuçiq.