Vrasja në Mitrovicë/ Konfiksohen armë dhe substanca narkotike në vendin ku dyshohej se kanë qëndruar të dyshuarit

09:39 | 31 Tetor 2021
Përparim Bublaku

Policia e Kosovës, ka gjetur një armë zjarri-mitraloz, fishekë dhe substanca narkotike, në vendin ku dyshohej se mund të gjenden të dyshuarit për vrasjen e të riut në Mitrovicë një ditë më parë.

Në raportin shtesë për këtë rast bëhet e ditur se të dyshuarit ende janë në arrati.

“Rr. Artim Jashari, Mitrovicë 30.10.2021 – 00:10. Lidhur me rastin, me urdhër të prokurorit përgjegjës dhe me urdhër verbal të gjyqtarit të procedurës paraprake, njësia e hetimeve rajonale Mitrovicë Jugu kanë kryer kontrolle në disa lokacione në kërkim të të dyshuarve, mirëpo nuk janë hasur deri me tani. Ndërsa gjatë kontrollit në një lokacion ku dyshohej se mund të gjenden të dyshuarit, policia ka gjetur dhe konfiskuar një pushkë të gjatë -mitraloz me disa fishekë dhe një sasi e dyshuar që mund të jetë substancë narkotike. Rasti nën hetime”, thuhet në raport./arbresh.info/