Edmon Lajçi është shpallë fajtor dhe dënuar me burgim të përjetshëm për vrasjen e gruas së tij, Gjyljeta Ukellës në prill të këtij viti në Pejë.

Lajmin për Arbresh.info e ka konfirmuar, Elzana Kastrati, zëdhënëse nga Gjykata Themelore në Pejë.

“Ju konfirmoj se të pandehurit E.L, sot me datë 27.12.2024, i është shqiptuar dënimi me burgim të përjetshëm, për rastin të cilit jeni referuar”, tha ajo.

Lajçi kishte pranuar veprën penale të vrasjes së gruas së tij në seancën e kaluar, gjatë deklarimit rreth fajësisë, duke i kërkuar falje familjes së tani të ndjerës.

Ndryshe, Prokuroria Themelore në Pejë, më 19 nëntor 2024 ka ngritur aktakuzë kundër Edmond Lajqit, i cili akuzohet se më 16 prill 2024 ka vrarë bashkëshorten e tij në Pejë./Arbresh.info/

LEXO EDHE 

Edmond Lajqi pranon fajësinë për vrasjen e gruas: I kërkoj falje familjes së të ndjerës për veprimet