Kryetari i Komisionit Qendror të Zgjedhjeve, Kreshnik Radoniqi, ka ushtruar të drejtën e tij për votë në zgjedhjet lokale që po mbahen këtë të dielë.

Radoniqi ka votuar në shkollën fillore “Lidhja e Prizrenit” në Pejë.

Kreu i KQZ-së është edhe një ndër personat e parë që votuan në këto zgjedhje lokale.

“Unë dhe bashkëshortja ime e shfrytëzuam të drejtën tonë për të votuar. Qendra e votimit është hapë në ora 07:00 dhe i gjithë procesi shkoi në rregull”.

“Ftoj të gjithë qytetarët që të shfrytëzojnë të drejtën e tyre kushtetuese për të votuar. Po ashtu ftojë të gjithë partitë politike që të kontribuojnë në mbarëvajtjen e zgjedhjeve”, tha Radoniqi.

Radoniqi mes tjerash në deklarimin e tij për media pas votimit u urojë suksese të gjithë kandidatëve për kryetarë komune dhe asmbleistë.

Tutje Radoniqi bëri të ditur se rezultatet preliminare të zgjedhjeve lokale do të bëhen publike para mesnatës./arbresh.info/

Sot mbahen Zgjedhjet Lokale në Republikën e Kosovës