Von Cramon: Propozimi franko-gjerman, rast i mrekullueshëm për të ecur para në integrimet evropiane

10:30 | 24 Tetor 2022

Raportuesja për Kosovën në Parlamentin Evropian, Viola von Cramon,  ka folur lidhur me zhvillimet e fundit në procesin e dialogut Kosovë-Serbi.

Ajo ka deklaruar se drafti franko-gjerman i propozuar për procesin e dialogut mes Kosovës dhe Serbisë duhet të shikohet dhe është i nevojshëm.

Sipas saj është një rast që Kosova të ec para në rrugën e saj të integrimit evropian.

“Propozimi franko-gjerman është mundësi e madhe dhe do të kërkoja nga secili që është në pushtet dhe mund të marrë vemdnime, t’i shqyrtojë me kujdes këto propozime. Mendoj që propozimi franko-gjerman është i ri. Si çdo kompromis tjetër, kërkon një vullnet politik, por aq sa e di është një shtyrje e mirë për Kosovën. Kosova do të përballet më një faqe të re të njohjes, dhe është një vendim i mirë”.

“Shumë njerëz kanë shkruar për këtë lloj propozimi, mendoj se është një mundësi e madhe, do t’i kërkoja secilit që është në pushtet që t’i shqyrtojnë me kujdes këto propozime ky është një rast i mrekullueshëm të ecet të përpara drejt integrimit evropian, mendoj se është absolutisht i nevojshëm, Kosova si vendi më proevropian duhet ta përkrah këtë”, ka thënë Von Cramon në një konferencë për media./arbresh.info/

 

 

Shpërndaje në rrjete sociale