Von Cramon i reagon eurodeputetes franceze: Shumica e Parlamentit Evropian e mbështet Kosovën, e cila ka përmbushur të gjitha kriteret për liberalizimin e vizave

17:28 | 8 Korrik 2022
Gita

Raportuesja për Kosovën në Parlamentin Evropian, Viola von Cramon, ka reaguar ndaj eurodeputetes franceze Dominique Bilde, e cila kundërshtoi anëtarësimin e Kosovës në Bashkimin Evropian dhe për liberalizimin e vizave.

Cramon ka shkruar në Twitter se pjesa më e madhe e Parlamentit Evropian mbështet Kosovën,shkruan arbresh.info.

“Për fat të mirë, shumica e kolegëve tanë në Parlamentin Evropian janë të informuar dhe e mbështesin Kosovën në përpjekjen për të bashkëpunuar me BE-në. Kosova i ka përmbushur të gjitha kriteret për liberalizimin e vizave dhe qytetarët e saj meritojnë, si të gjithë evropianët e tjerë, të lëvizin lirshëm”,ka shkruar Cramon./arbresh.info/