Vjosa Osmani hap rastin në polici pas kërcënimit të deputetit të LDK-së

08:49 | 11 Korrik 2020
Arbresh.info

Pas incidenti që ndodhi mbrëmjen e kaluar në Kuvendin e Kosovës, Vjosa Osmani ka hapur rastin në polici.

Ajo thotë se Xhavit Ukaj e kërcënoi fizikisht dhe me gjuhë banale, transmeton portali arbresh.info.

Kurse ka njoftuar se seanca do të vazhdojë të hënën me fillim nga ora 14:00.

“Ndaj deputetit që më ka kërcënuar fizikisht dhe me gjuhë banale të paprecedent për një institucion si Kuvendi, kam hapur rast në polici. Shpresoj që organet e rendit të merren sa më shpejt me këtë rast, ndërkaq ne i kthehemi punës së Kuvendit të hënën në orën 14:00, sipas vendimit të Kryesisë së Kuvendit. Ka tema të rëndësishme me të cilat duhet të merremi, siç është menaxhimi i pandemisë dhe nuk lejoj asnjë person të papërgjegjshëm të më pengojë në kryerjen e detyrës zyrtare në përputhje me rregulloren e Kuvendit”, shkruan Osmani./arbresh.info/