Valdrin Ahmeti, nga Vetëvendosje, edhe një herë ka bërë të ditur qëndrimin e kësaj partie në lidhje me zgjedhjet e parakohshme nacionale.

Sipas tij, Albin Kurti, është emëri që sjellë ndryshimin në një qeverisje të re, shkruan arbresh.info.

Ndryshe, sipas Ahmetit “mjerimi thellohet e ikja mbetet e vetmja zgjidhje”.

Postimi i plotë:

Meqë po shihet që e vetmja rrugë kanë mbetur zgjedhjet shoh që shpesh diskutohet për mundësitë e bashkëpunimit para zgjedhjeve me subjektet tjera dhe për pozitën e kryeministrit.

Në shumë debate shumë aktivistë ‘sprovohemi’ me pyetjen se a jeni të gatshëm të heqni dorë nga pozita e kryemenisitrit?

Lëvizja VETËVENDOSJE! dhe secili aktivist i saj asnjëherë nuk e kanë pasur cilëndo pozitë para parimeve e koncepteve, andaj duke mos menduar për asnjë pozitë, kësaj përgjigje ia shtrojmë një pyetje tjetër: çka po duam?

Nëse përgjigja është që duam NDRYSHIM (qeverisje e re me zhvillim ekonomik, punësim të qëndrueshëm, shëndetësi e arsim cilësor), atëherë është një emër: ALBIN KURTI.

Nëse duam vazhdim të kësaj gjendje, ku mjerimi thellohet e ikja mbetet e vetmja zgjidhje, atëherë le të vazhdojë PDK si eskperte në këtë fushë.

Zgjidhja është e lehtë. Zgjedhje mes zhvillimit me VV e Albinin dhe mjerimit me PDK e Kadriun.