Grupi Parlamentar i Lëvizjes Vetëvendosje ka bërë mocion për të shkarkuar bordin e drejtorëve të RTK-së.

Sipas VV-së bordi i tanishëm ka dështuar të përmbush detyrat e veta dhe ka shkelur dispozitat e Ligjit për RTK-së, shkruan portali arbresh.info

Ky është arsyetimi i Lëvizjes Vetëvendosje:

Mocion përmbajtësor për shkarkimin e Bordit të RTK-së
Sot, Grupi Parlamentar i Lëvizje VETËVENDOSJE! ka dorëzuar kërkesën për mocion përmbajtësor në lidhje me gjendjen në RTK dhe shkarkimin e Bordit të drejtorëve të RTK-së.
Detyrë parësore e Bordit është të sigurojë mbarëvajtjen e RTK-së me përmbushjen e misionit të saj dhe me qendrueshmëri operative e financiare. Bordi i drejtorëve gjithashtu përzgjedh drejtorin e përgjithshëm, i cili menaxhon veprimtarinë e RTK-së. Zgjedhja e kundërligjshme e Drejtorit të Përgjithshëm nuk është shkelja e vetme dhe sjellja e vetme joprofesionale e Bordit të RTK-së. Prej emërimit, Bordi i tashëm ka dështuar rëndë të përmbush detyrat e veta dhe ka shkelur qartë dispozitat kyçe të Ligjit për RTK-në.