Veteranët e UÇK’së: Ndryshimet po i bëjnë pa neve, deputetët nuk duhet t’i shërbejnë interesave të politikës ditore

10:45 | 6 Qershor 2022
arbresh.info

Dhjetëra veteranë të luftës së Ushtrisë Çlirimtare të Kosovës, protestuan para Kuvendit të Kosovës.

Ushtruesi i detyrës së kryetarit të Organizatave të Veteranëve të Luftës së Ushtrisë Çlirimtare të Kosovës, Faton Klinaku, thotë se duan rritjen e pensionit prej 170 eurove.

“Ja kemi shprehur shqetësimet për ndryshimet që duan t’i bëjnë pa neve. Po protestojmë kundër diskriminimit. Deputetët nuk duhet t’i shërbejnë interesave të politikës ditore”, deklaron Klinaku gjatë protestës, raporton arbresh.info.

Ai thotë se nuk do të ndalin protestat deri në realizimin e kërkesave të tyre.

“Jemi të detyruar që pakënaqësitë tona t’i shprehim në rrugë, dhe këto protesta do të vazhdojnë deri në realizimin e kërkesave tona”, shprehet Klinaku./arbresh.info/