Vetaksidentohet një veturë me targa të Shqipërisë në autostradën “Ibrahim Rugova”

13:41 | 26 Mars 2024
E.K

Një vetaksident ka ndodhur sot në autostradën “Ibrahim Rugova”, rreth orës 11:20.

Lajmin e ka konfirmuar për Arbresh.info Luljeta Mehmeti, zyrtare për informim nga Policia e Kosovës, e cila tha se në këtë vetaksident ka qenë e përfshirë një veturë me tabela të Shqipërisë.

Si pasojë e këtij vetaksidenti nuk ka persona të lënduar por vetëm dëme materiale.

“Nga të dhënat që kemi nga terreni mund të ju informojmë se më datë 26.03.2024 rreth orës 11:20 në Autostradën Ibrahim Rugova, kilometri 38 ka ndodhur një vet aksident me dëme materiale. E përfshirë në aksident ka qenë një veturë me tabela të Shqipërisë. Njësia e Autostrades është duke u marrë me rastin’, tha Mehmeti./Arbresh.info