Vetaksident në magjistralen Prishtinë-Ferizaj, humb jetën një femër

09:29 | 18 Korrik 2021

Një vetaksident i rëndë trafiku ka ndodhur mëngjesin e sotëm, konkretisht rreth orës 04:25 në magjistralen Prishtinë-Ferizaj.

Nga ky vetaksident një femër ka humbur jetën ndërsa një tjetër ka pësuar lëndime trupore dhe e njëjta është dërguar  për trajtimin e nevojshëm mjekësor.

Këtë e ka konfirmuar për arbresh.info zëdhënësi i Policisë së Kosovës për rajonin e Prishtinës, Agron Burovci.

“Rreth orës 04:30, në rrugën Prishtinë-Ferizaj, ka ndodhur një vetaksident komunikacioni rrugor. Si pasojë e këtij vetaksidenti një person (femër)  ka humbur jetën ndërsa një tjetër ka pësuar lëndime trupore dhe e njëjta është dërguar  për trajtimin e nevojshëm mjekësor. Policia ka dalë në vendin e ngjarjes dhe ka nisur një hetim për zbardhjen e shkaqeve të këtij aksidenti”, ka thënë Burovci./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm