Veseli: Qindra specializantë vullnetarë do të hyjnë në sistemin e pagesave

13:50 | 7 Maj 2018
Arbresh.info

Kryetari i Kuvendit të Kosovës, Kadri Veseli ka thënë se qindra specializantë vullnetarë do të hyjnë në sistemin e pagesave.

Ai në rrjetin social facebook ka shkruar se është një hap tejet i rëndësishëm për përmirësimin e sistemit shëndetësor.

Statusi i plotë:

Qindra specializantë vullnetarë do të hyjnë në sistemin e pagesave. Ky është një premtim i mbajtur, por mbi të gjitha një hap tejet i rëndësishëm për përmirësimin e sistemit tonë shëndetësor. Ky vendim tregon një përkushtim të jashtëzakonshëm të institucioneve, por edhe të vetë specializantëve, që kuadrot profesionale të qëndrojnë në vendin e tyre për të kontribuar në përmirësimin e shëndetësisë, për të ofruar shërbime të dinjitetshme shëndetësore për qytetarët tanë.