Veseli: Princi solli mesazhet e paqes, pajtimit dhe të ardhmes së sigurt

21:23 | 18 Mars 2016
M. A.

Kryetari i Kuvendit të Kosovës, Kadri Veseli, pëmes një postimi në facebook ka komentuar takimin me ka Princin Charles dhe Dukeshën Cornwall, duke thënë se ata risollën mesazhet e Mbretërisë së Bashkuar- një vend mik që aq shumë ka bërë për lirinë e pavarësinë e Kosovës.

Postimi i plotë i Veselit në Facebook:

“Sonte, në Prishtinë, kemi mysafir të veçantë të shtetit dhe popullit tonë, Princin Charles dhe Dukeshën Cornwall, të Mbretërisë së Bashkuar.

Princi Charles ishte ndër të parët lider botëror që menjëherë pas përfundimit të luftës, vizitoi vendin tonë për të dhënë shpresën e rilindjes.

Sot, në vizitën e tij të dytë, Princi dhe Dukesha na risollën mesazhet e Mbretërisë së Bashkuar- një vend mik që aq shumë ka bërë për lirinë e pavarësinë e Kosovës.

Këto janë mesazhet e paqes, pajtimit dhe të ardhmes së sigurt euro- atlantike të vendit tonë.
Faleminderit Princi Charles!” (sic), ka shkruar Veseli.