Veseli përshëndet arritjen e marrëveshjes për emrin mes Maqedonisë e Greqisë

10:21 | 13 Qershor 2018
Arbresh.info

Kryetari i Kuvendit të Kosovës, Kadri Veseli ka përshëndetur marrëveshjen e arritur për çështjen e emrit mes Maqedonisë e Greqisë.

Veseli përmes një statusi në Facebook ka thënë se marrëveshja shërben si model inkurajues për të gjithë popujt fqinj që t’i zgjidhin problemet e së kaluar përmes dialogut, përcjell arbresh.info.

Postimi i tij i plotë:

Marrëveshja e arritur për çështjen e emrit është një lajm i jashtëzakonshëm dhe i shumëpritur për paqen dhe stabilitetin e gjithë rajonit. Ajo shërben si model inkurajues për të gjithë popujt fqinj, që t’i zgjidhin problemet e së kaluarës nëpërmjet dialogut dhe mirëkuptimit. Unë jam veçanërisht i gëzuar që falë saj Republikës së Maqedonisë Veriore po i zhbllokohet rruga drejt anëtarësimit në NATO dhe BE. Përgëzoj gjithashtu bashkëkombasit tanë në këtë shtet për këtë arritje si dhe i falënderoj ata për qëndrimin konstruktiv dhe pro-integrimit që kanë mbajtur vazhdimisht./Arbresh.info