Nëntogerja e Forcës së Sigurisë së Kosovës, Vesa Ibrahimi, ka përfunduar me sukses trajnimin më të vështira dhe prestigjioze në ShBA dhe është bërë femra e parë ndërkombëtare që ka diplomuar ndonjëherë në Ranger School.

Kësaj arritje të Ibrahimit i është gëzuar edhe Ambasada Amerikane në Kosovë e cila përmes një postimi në Facebook ka shprehur momente krenarie.

“Një nga programet më të vështira të trajnimit ushtarak në botë – Shkolla e Rangersave të Ushtrisë Amerikane! Nga drejtimi i operacioneve komplekse nën stres ekstrem deri te lundrimi në terrene të thyer me mbështetje minimale, arritja e Toger Ibrahimit pasqyron vendosmërinë, qëndrueshmërinë dhe lidershipin e jashtëzakonshëm që garanton sigurinë e vendeve tona. Një moment krenarie”, thuhet në postimin e Ambasadës./Arbresh.info