Ministri i Mbrojtjes i shqipërisë, Pirro Vengu bashkë me shefin e shtabit të përgjithshëm të Forcave të Armatosura, Gjenerallejtnant Arben Kingji, kanë pritur sot në takim Komandantin e FSK-së, Gjenerallejtnant Bashkim Jashari.

Përmes një postimi në Facebook, Vengu bëri të ditur se me Jasharin folën për bashkëpunimin strategjik dhe vëllazëror mes dy ushtrive, transmeton Arbresh.info

Postimi i plotë:

Bashkë me Shefi i Shtabit të Përgjithshëm të FA – Gjenerallejtënant Arben Kingji, prita sot Komandantin e Forcës së Sigurisë së Kosovës, Gjenerallejtënant Bashkim Jashari.

Bashkëpunimi strategjik dhe vëllazëror mes dy Forcave tona vijon të thellohet: nga trajnimi dhe arsimi ushtarak , te zhvillimi i industrisë së mbrojtjes , pjesëmarrja në stërvitje dhe përpjekjet e përbashkëta në nismat rajonale .

Së bashku do të punojmë për ta bërë Kosovën pjesë të plotë të arkitekturës së sigurisë euroatlantike./Arbresh.info