Një i paraburgosur ka vdekur sot në Qendrën Emergjente në SHSKUK.

Kështu ka bërë të ditur Shërbimi Korrektues i Kosovës (SHKK)përmes një njoftimi për media.

Sipas SHKK-së, 62 vjeçari rreth orës 13:20 ishte dërguar në Qendrën Emergjente, pas rekomandimit të mjekut, mirëpo përkundër ofrimit të ndihmës në SHSKUK, nuk ka arritur të mbijetoj, raporton arbresh.info.

“Shërbimi Korrektues i Kosovës, njofton opinionin publik se sot rreth orës 16:00, në Qendrën e Emergjencës së SHSKUK-së, ka ndërruar jetë i paraburgosuri me inicialet  B. Ç, viti i lindjes 1958.  I paraburgosuri, rreth orës 13:20 me rekomandim të mjekut të Qendrës se Paraburgimit Prishtinë, është dërguar në Qendrën e Emergjencës së SHSKUK-së, ku për kundër ofrimit të ndihmës mjekësorë ka ndërruar jetë”, thuhet në njoftimin e SHKK.

I njëjti ishte i dyshuar për Veprën  Penale; Vrasje e rëndë.

Nga organet kompetente janë duke u zhvilluar procedurat ligjore, ndërsa autopsia do të verifikoj shkakun e vdekjes. /arbresh.info