Ulje të temperaturave dhe erëra të forta kanë mbizotëruar sot në vendin tonë.

Me këtë rast, ministrja e Ekonomisë, Artane Rizvanolli ka dal me disa këshilla për kursimin e energjisë elektrike, përcjell arbresh.info.

Ajo përmes një postimi në rrjetin social Facebook, ka kërkuar nga qytetarët që të mos ngarkohet rrjeti elektro-energjetik dhe të kursehet dhe optimizohet rrjeti energjia elektrike.

“Shkyçni dritat e panevojshme, shfrytëzoni rrobalarësen pas orës 24:00, shfrytëzoni enëlarësen pas orës 24:00, aktivizoni bojlerin pas orës 24:00, shfrytëzoni tharësen pas orës 24:00”, ka shkruar Rizvanolli.

Postimi i plotë i ministres Rizvanolli:

Të dashur qytetarë,

Sot janë ulur ndjeshëm temperaturat, e këtë parashikim të motit do ta kemi edhe në ditët në vijim.

Për të kursyer energjinë elektrike e gjithashtu për të mos e ngarkuar rrjetin elektro-energjetik ju lusim që të kurseni dhe të optimizoni shfrytesimin e energjisë elektrike.

Shkyçni dritat e panevojshme

Shfrytëzoni rrobalarësen pas orës 24:00

Shfrytëzoni enëlarësen pas orës 24:00

Aktivizoni bojlerin pas orës 24:00

Shfrytëzoni tharësen pas orës 24:00

Ju faleminderit për bashkëpunimin tuaj.