Gjykata Themelore në Pejë u ka ka vazhduar masën e ndalimit edhe për 48 orë dy të dyshuarve për sulmin ndaj kryetarit të Pejës, Gazmend Muhaxheri.

Lajmin për Arbresh.info e ka konfirmuar Elzana Kastrati, zëdhënëse e Gjykatës Themelore në Pejë.

“Gjyqtari i procedures paraprake, pas mbajtjes se seancës degjimore, të pandehurve iu ka caktuar masën e ndalimit edhe për 48 orë, deri në marrje të vendimit lidhur me kërkesën per caktim te masës së paraburgimit.”, ka thënë ajo.

Ndryshe, kryetari i Pejës, Gazmend Muhaxheri është sulmuar fizikisht gjatë ditës së djeshme.

Si pasojë e këtij sulmi, Muhaxheri pësoi lëndime trupore por që fatmirësisht nuk ishin serioze.

Policia e Kosovës në raportin 24 orësh ka bërë të ditur se ende nuk dihen motivet e këtij rasti.

Sulmin ndaj Muhaxherit e kanë dënuar bartës të institucioneve qendrore dhe krerët e partive politike në vend.

Ata kanë kërkuar që përgjegjësit të përballen me drejtësinë, derisa aktin e kanë cilësuar si të papranueshëm dhe sulm ndaj paqes, demokracisë e shtetit ligjor./Arbresh.info/

LEXO EDHE:

Sulmohet fizikisht kryetari i Pejës Gazmend Muhaxheri, deklarohen nga prokuroria