Një qytetar është ankuar për mospastrimin e trotuarëve në Fushë-Kosovë.

Qytetari ka dërguar në adresë të KALLXO.com pamje, ku shihet se trotuari është i mbuluar nga bora dhe akulli.

Pamjet thotë se i ka bërë mbrëmë në njërën prej rrugëve kryesore të qytetit – “Dardania”, përreth shkollës “Mihal Grameno”.

Kjo nuk është hera e parë që qytetarët ankohen për shkak të mosheqjes së borës nga trotuaret e qytetit.

Duke parë mosreagimin e autoriteteve, aktivistë të Lëvizjes Vetëvedosje ditë më parë pastronin trotuarët e qytetit për t’ua lehtësuar qytetarëve qarkullimin.

Por, me problemin e mospastrimit të trotuarëve dhe rrugëve nuk po përballen vetëm banorët e qytetit, por edhe ata të fshatrave të Fushë-Kosovës.