Kryetari i Prizrenit, Shaqir Totaj ka bërë të ditur se ka pranuar sot studimin e fizibilitetit dhe studimin gjeoteknik për ndërtimin e strukturës dhe teleferikut për ngjitjen në “Kalanë e Prizrenit.

Me anë të një postimi në Facebook, Totaj ka thënë se hapi i radhës do të jetë hartimi i projektit të detajuar dhe ndjekja e proceseve ligjore për ndërtimin e teleferikut, përcjell Arbresh.info.

Ai shtoi se teleferiku do të jetë një tjetër element atraktiv për turistët e huaj dhe vendas.

Postimi i plotë:

Sot, pranova studimin e fizibilitetit dhe studimin gjeoteknik për ndërtimin e strukturës dhe teleferikut për ngjitje në “Kalanë e Prizrenit”, i hartuar nga Agjencia Zvicerane “Sëisscontact” dhe kompania “Epode” nga Franca.

Realizimi i këtij projekti rrjedh nga marrëveshja tri palëshe mes Komunës së Prizrenit, Ministrisë së Mjedisit, Planifikimit Hapësinor dhe Infrastrukturës si dhe “Sëisscontact”-it.

Hapi i radhës do të jetë hartimi i projektit të detajuar dhe ndjekja e proceseve ligjore për ndërtimin e teleferikut, që do të jetë një tjetër element atraktiv për turistët e huaj dhe ata vendës./Arbresh.info