Presidenti i Republikës së Kosovës, Hashim Thaçi duket se është nervozuar me disa diplomat, siç i quan ai të rangut të ulët, të cilët po lobojnë nga një kënd në tjetrin dhe nga një zyre në tjetrën për të hequr taksën ndaj mallrave serbe në këmbim të heqjes së vizave,shkruan arbresh.info.

Përmes një postimi në Facebook, Thaçi ka shkruar se këto projekte janë të turpshme dhe si të tilla plotësisht të papranueshme, sot dhe gjithmonë. Kosova është një dhe e pandashme.

“Bredhja turistike e disa diplomatëve të rangut të ulët fshehtas nga një kënd në këndin tjetër të Prishtinës, nga një zyrë në zyrën tjetër të institucioneve vendore, duke lobuar për heqjen e taksës ndaj mallrave të Serbisë në këmbim të liberalizimit të vizave, është fyerje e radhës për institucionet dhe qytetarët e Kosovës”, ka shkruar ai.

Sipas Thaçit kjo ofertë hileqare dhe diskriminuese e tyre dhe planet për asociacion me kompetenca ekzekutive apo projekti “kreativ” për sovranitet të dyfishtë, nuk janë asgjë tjetër përveç opsione me qëllim përfundimtar për ndarje të Kosovës.

Këto projekte, sipas tij, janë të turpshme dhe si të tilla plotësisht të papranueshme, sot dhe gjithmonë. Kosova është një dhe e pandashme./Arbresh.info