NISMA për Kosovën ka themeluar degën e partisë në Prishtinë, kryetar i së cilës do të jetë Shyqiri Bytyqi.

Në takimin e sotëm ishin të pranishëm kryetari i partisë Fatmir Limaj, kryetari i Këshillit Kombëtar të NISMA-s, Jakup Krashniqi, sekretari, Bilal Sherifi dhe anëtarë tjerë të kryesisë.

Gjatë takimit është bërë edhe themelimi i vetëm një dege të NISMA-s në Prishtinë, ku është zgjedhur këshilli dhe kryesia e re.

Kryetar i degës së NISMA-s për Kosovën në Prishtinë është zgjedhur, Shyqiri Bytyqi, njëherësh anëtar i kryesisë së NISMA-s për Kosovën. Ai ka falënderuar gjithë strukturat për besimin e dhënë, ku tha se së bashku do të punojmë në realizimin sfidave të NISMA-s, me plotë përgjegjësi.

Gjithashtu është bërë edhe konsolidimi i të gjitha nëndegëve të NISMA-s për Kosovën në Prishtinë, ku janë emëruar edhe udhëheqësit e rinj nëpër nëndegët përkatëse.