Presidenti i Kosovës, Hashim Thaçi në një postim në rrjetin social ‘Facebook’, ka reaguar për dhunën në Kuvend , raporton arbresh.info.

Ai tha se dhuna në Kuvend është e patolerueshme dhe pamja më e tmerrshme për Kosovën në botë.

Sipas tij, votimi i demarkacionit nënkupton lëvizje të lirë për të gjithë qytetarët e Kosovës.

Ky është postimi i plotë i presidentit Thaçi:

Dhuna në Kuvend është e patolerueshme dhe pamje e tmerrshme për Kosovën në botë. I ftoj deputetët që të vazhdojnë me punën e tyre, pavarësisht taktikave të rrezikshme të kundërshtarëve të liberalizimit të vizave. Demarkacioni duhet të kaloj sot. Kjo është ajo që e presin qytetarët e vendit, pa dallim partie apo etnie. Votimi i demarkacionit nënkupton lëvizje të lirë për të gjithë qytetarët e Kosovës. Mjaft kemi humbur tre vjet me kauza të rrejshme, që po mbajnë Kosovën dhe qytetarët të izoluar. Tani është momenti i së vërtetës dhe i veprimit. Vendimi i deputetëve pro ratifikimit të marrëveshjes është vullnet i qytetarëve që duan t’i përqafojnë vlerat evropiane. Mos lejoni që të sfidoheni nga askush, sidomos jo nga ata që duan ta mbajnë Kosovën larg vlerave evropiane dhe të izoluar. HTH