E mërkura, është shpallur ditë zie shtetërore në Kosovë, në shenjë solidarizimi me Turqinë.
Turqia u godit nga disa tërmete një ditë më parë ku mbetën të vdekur mbi pesë mijë qytetarë.
Kështu ka bërë të ditur presidentja e vendit, Vjosa Osmani përmes një postim në Facebook, derisa ka shtuar se trupat e FSK-së tashmë gjinden në Turqi ndërkaq Kosova është në dispozicion të plotë të vazhdojë mbështetjen.
“Përballë tragjedive të tilla duhet të qëndrojmë pranë atyre që kanë nevojë për mbështetje. Dhimbja e popullit turk dhe atij të Sirisë është edhe e jona. Prandaj, bazuar në kompetencat kushtetuese e ligjore, në shenjë respekti shtetëror e qytetar, ditën e mërkurë, 8 shkurt 2023 e kam shpallur Ditë Zie Shtetërore në Republikën e Kosovës, pas tërmeteve të datës 6 shkurt 2023 me epiqendër në Turqi, i cili la mijëra të vdekur e të lënduar”, ka shkruar Osmani.
Presidentja ka theksuar se teksa kujtojmë viktimat, nderojmë trimërinë dhe qëndresën e atyre që po bëjnë të pamundurën për shpëtimin e çdo jete nën rrënoja.
“Fuqia shkatërruese e këtij tërmeti ka tronditur zemrat e gjithsecilit, porse mbështetja ndaj njëri- tjetrit në këto ditë tmerri ngjallë shpresën dhe besimin se jeta do të triumfojë”, ka shkruar Osmani./arbresh.info/
Të premten shorti i Kupës së Kosovës
Presidenca pret nga KPK proces të ri për përzgjedhjen e krye...
Spanja nis kufizimet e ujit të pijshëm, disa javë larg ̶...
Ambasadori amerikan takohet me xhudistet kosovare
Rusia kritikon Bullgarinë për devijimin e fluturimit të Lavr...
Dita e fundit, interesim i madh serbëve për regjistrim të ve...