Një person është arrestuar pasi që i njëjti dyshohet se ka tentuar t’u ofrojë ryshfet zyrtarëve policor me qëllim të lejimit të hyrjes së paligjshme nga Serbia në Kosovë të bashkëshortes së tij, duke anashkaluar procedurat dhe kriteret shtetërore në fuqi.

Ndaj tij, është iniciuar rasti penal për veprën “Dhënia e Ryshfetit”, sipas nenit 422 të Kodit Penal të Republikës së Kosovës.

Gjatë procedurës janë ndërmarrë të gjitha veprimet hetimore përfshirë intervistimin e të dyshuarit në prezencë të avokatit mbrojtës dhe sekuestrimin e provës materiale.

“Është analizuar raporti i zyrtarëve policor të ndërlidhur në rast dhe pas shqyrtimit të të gjitha provave, lidhur me procedurën penale Prokurori i Shtetit ka nxjerrë aktvendim mbi ndalimin e personit të arrestuar për 48 orë.”, thuhet në njoftimin e policisë./Arbresh.info/