Të enjten dhe të premten do të mbahet takimi i shtatë i Komisionit Parlamentar për Stabilizim-Asociimi BE-Kosovë.

Në mbledhjen do të marrin pjesë krerët e institucioneve vendore, përfshirë kryeministrin Albin Kurti dhe kreun e Kuvendit të Kosovës, Glauk Konjufca, si dhe krerë të Parlamentit Evropian dhe Bashkimit Evropian.

Takimi do të mbahet për dy ditë radhazi në Kuvendin e Kosovës./arbresh.info/

Agjenda:

Më 4 dhe 5 nëntor 2021, në Kuvendin e Republikës së Kosovës mbahet Takimi VII i Komisionit Parlamentar për Stabilizim-Asociim BE – Kosovë.
Agjenda për ditën e enjte, 4 nëntor:

16:00 – 18:30 – Sesioni i parë i punës i Takimit VII të KPSA-së BE-Kosovë, nën kryesimin e përbashkët të:

Mimoza Kusari-Lila, kryetare e delegacionit të Kosovës dhe

Romeo Franz, kryetar i delegacionit të PE-së

Fjalimet e mirëseardhjes:

Glauk Konjufca, kryetar i Kuvendit të Kosovës

Albin Kurti, kryeministër i Republikës së Kosovës

Fjalimet hyrëse:

Besnik Bislimi, zëvendëskryeministër, në emër të Qeverisë së Kosovës

Tomáš Szunyog, Shef i Zyrës së BE -së / Përfaqësues Special i BE -së në Kosovë

Vendi: Salla plenare e Kuvendit të Kosovës

Agjenda për ditën e premte, 5 nëntor:

9:00 – 12:30 – Sesioni i dytë i punës i Takimit VII të KPSA-së BE-Kosovë

Vendi: Salla plenare e Kuvendit të Kosovës

12:30 – 12:45 – Konferenca për shtyp e të dy bashkëkryesuesve: znj. Mimoza Kusari – Lila dhe Romeo Franz.

Vendi: Holli i Kuvendit

Gjatë takimit, përfaqësuesit e mediave duhet t’u përmbahet masave për parandalimin e virusit Covid 19.