Takohen Mustafa e O’ Connell bisedojnë për zhvillimet aktuale në Kosovë

15:50 | 26 Tetor 2017
Arbresh.info

Kryetari i Lidhjes Demokratike të Kosovës, Isa Mustafa, ka pritur sot në takim ambasadorin e Britanisë në Kosovë Ruairi O’Connell.

Gjatë takimit, u bisedua për zhvillimet aktuale në Kosovë dhe proceset tjera të rëndësishme.

Duke e falënderuar për mbështetjen e pazëvendësueshme të Britanisë për Kosovën, kryetari Mustafa shprehu përkushtimin e LDK-së dhe të qytetarëve të vendit për të thelluar bashkëpunimin edhe më tutje.

Kryetari Mustafa, po ashtu, e njoftoi për fitoren e LDK-së në zgjedhjet e fundit lokale dhe angazhimin e LDK-së më tutje për t’i çuar përpara proceset për integrimet evropiane.

Kryetari Mustafa dhe Ambasadori Ruairi O’Connell, biseduan edhe për çështjet tjera me rëndësi vitale për Kosovën.