Tahiri viziton Thaçin në Hagë: I pathyer e me humor të mirë, më përcolli të fala për të gjithë

18:57 | 16 Maj 2024
E.H

Shefi i Grupit Parlamentar të PDK-së, Abelard Tahiri ka udhëtuar për në Hagë, ku ka takuar ish-presidentin e Kosovës, Hashim Thaçin.

Me anë të një postimi në Facebook, Tahiri u shpreh se çdo vizitë në Hagë është inspiruese, dhe se Thaçi është inspirim për mënyrën se si vazhdon të përballojë sfidat me të cilat përballet, përcjell Arbresh.info

Njoftimi i plotë:

Çdo vizitë në Hagë është inspiruese. E njëjtë ishte edhe kjo e sotmja. Takova Presidentin Hashim Thaçi. Mirë me shëndet dhe me besim në drejtësinë, Presidenti Thaçi është inspirim për mënyrën se si vazhdon të përballojë sfidat me të cilat përballet.

I pathyer, me humor të mirë, i përkushtuar për ta mbrojtur të drejtën e popullit tonë për liri, Presidenti Thaçi më përcolli edhe me të fala për të gjithë ju!

Në ditët me shi e zymtësi, të fortë na mban besimi se dielli do të lind përsëri.