Tahiri: Ndarja e 100 eurove si lëmoshë, qytetarëve u ka mbetur vetëm rruga e migrimit për një jetë më të mirë

18:17 | 13 Dhjetor 2023
E.H

Shefi i Grupit Parlamentar të Partisë Demokratike të Kosovës, Abelard Tahiri ka reaguar pas vendimit të Qeverisë për ndarjen e shtesave prej 100 euro për fëmijët dhe pensionistët.

Tahiri me anë të një postimi në Facebook ka krahasuar shtesat prej 100 euro me lëmoshë teksa sipas tij, 18% e qytetarëve jetojnë nën pragun e varfërisë me 45 euro në muaj, përcjell Arbresh.info

“Me këtë qeveri, 18% e qytetarëve jetojnë nën pragun e varfërisë me 45 euro në muaj. Ndarja e 100 eurove si lëmoshë për fëmijët dhe pensionistët flet më së miri për gjendjen e rëndë ekonomike të familjeve kosovare. Fatkeqësisht, kjo situatë ua lë qytetarëve tonë vetëm një rrugë – migrimin për një jetë më të mirë jashtë Kosovës”, ka shkruar Tahiri/Arbresh.info