Gazetari Valon Syla, ka thënë se në zgjedhjet lokale, Partia Demokratike e Kosovës, ka pësuar goditje.

Në Analiza Lokale për balotazhin e së dielës, Syla ka deklaruar se çështja ishte tek koalicionet pasi të gjithë tentonin largimin e Partisë Demokratike të Kosovës, ngjashëm sikurse në kohën e koalicionit të vitit 2014, njofton Klan Kosova.

”Këto zgjedhje e kanë reflektuar atë polarizimin nga viti 2014. Që vjen si një trashëgimi e VLAN-it nëse mund të themi”.

”Nëse shikojmë si kanë shkuar koalicionet, me marrëveshje apo jo, shohim se të gjithë ishin kundër PDK-së. Goditjen më të madhe e morën nga Nisma dhe AKR-ja”.

”Kjo është edhe pasojë e PDK-së e cila me çdo kusht ka tentuar të mbetet në Qeveri”.

”AAK është një fitues taktik i këtyre zgjedhjeve, e cila nga tre komuna, ka fituar shtatë. Duke qenë se është parti që udhëhiqet nga dy vëllezër, është një rikthim. Nisma është nismë e terrenit por më e dobësuar në Drenicë”.

”Vetëvendosje riktheu Prishtinën, sepse Kamenciën ishte e dijshme që do ta fitonte”.

Syla tutje ka deklaruar se fitues i zgjedhjeve lokale mund të jetë Lidhja Demokratike por që pa komunat e mëdha cilësohet jo fitore e shijuar, njofton Klan Kosova.

”Fituesi më i madh mund të themi që është LDK por, një LDK pa Prishtinën dhe komunat më të mëdha, është fitore e zbehtë”.

”Tash gjithcka varet në tavolinë. Kanë mbetur ende pa u publikuar rezultate të tjera. E në varet prej disa ankesave të cilat mund të çojnë në ndonjë eleminim të ndonjë kutie pritet të shihet”.