Ministri i Punëve të Brendshme, Xhelal Sveçla, në seancën e sotme të Kuvendit ka thënë se qasja destruktive e Serbisë ndaj Kosovës ende nuk ka ndryshuar.

Sveçla, në fjalën e tij të rastit ku po diskutohet për punën dyvjeçare të Qeverisë Kurti, ka listuar disa nga aktivitetet të cilat ai i konsideron si suksese në veri të Kosovës, njofton Klan Kosova.

“Qasja e Serbisë karshi Kosovës nuk ka ndryshuar. Përgjatë këtyre dy vjetëve, jemi ballafaquar si dy shtete me Serbinë. Në kontekst të kësaj, kemi ndaluar mbajtjen e referendumit të Serbisë në Kosovë. Kemi mundësuar regjistrimin me taksa RKS, ndërsa taksat e regjimit të Millosheviqit po dorëzohen e zëvendësohen”, u shpreh Sveçla.

“Institucioneve të sigurisë iu nevojitet përkrahje më e madhe. Por, unë mund të ju garantoj që krimi dhe korrupsioni do të vazhdojnë të luftohet në çdo cep”, tha ai./Arbresh.info